“O‘ztransgaz” AJda murojaatchilar qabuli o‘tkazildi

Jamiyat rahbariyati tomonidan o‘tkazilgan navbatdagi qabulda Jamiyat tizimida olib borilayotgan  transformatsiya jarayonlari muhokama qilindi. Gazli MGQB ishchi-xodimlari tomonidan joriy yilning may oyidan boshlab qorovul xizmati yo‘nalishi autsorsingga o‘tkazilishi munosabati bilan mavjud mehnat munosabatlarini saqlab qolish masalasi ko‘tarildi.
Ushbu yo‘nalishda ishchilarga boshqarmalarda mavjud bo‘sh o‘rinlar haqida taklif berilgani taʼkidlandi. Bu borada xodimlarning huquq va kafolatlari, mehnat shartnomalarini qayta ko‘rib chiqish tartibi, yangi ish beruvchi bilan munosabatlarni rasmiylashtirish mexanizmlari yuzasidan batafsil huquqiy maʼlumot va tushuntirish berildi.


Ommaviy qabul mexanizmi esa joylardagi muammolarni tezkor aniqlash, xodimlar bilan to‘g‘ridan-to‘g‘ri muloqot o‘rnatish va asosli boshqaruv qarorlarini qabul qilishning samarali platformasi sifatida izchil rivojlantirilmoqda.