“O‘ztransgaz” AJda murojaatchilar qabuli o‘tkazildi

Jamiyat rahbariyati tomonidan navbatdagi murojaatchilar qabuli o‘tkazilib, tadbirkorlik subyekti vakili va fuqarolarning murojaatlari tinglandi.

Jumladan, Jamiyat eʼlon qilgan tenderda g‘olib bo‘lgan MCHJ rahbari shartnoma tuzish jarayonida yuzaga kelgan ayrim tashkiliy masalalarni hal etish yuzasidan murojaat qildi. Masala masʼul mutaxassislar ishtirokida ko‘rib chiqilib, uni amaldagi tartib-qoidalar asosida hal etish bo‘yicha tegishli ko‘rsatmalar berildi.

Shuningdek, “Shimoliy So‘x” GYOSI qo‘riqlash xizmati xodimlari ularning vazifalarini joriy yil may oyidan autsorsing xizmatiga o‘tkazish rejalashtirilayotgani munosabati bilan ushbu muddatni imkoniyat darajasida kechiktirish bo‘yicha amaliy yordam so‘rashdi. Murojaat tegishli tartibda ko‘rib chiqilib, masʼullarga topshiriqlar berildi.